Mayın 9-u Dini Qurumlarla İş Üzrə Dövlət Komitəsinin təşkilatçılığı ilə Faşizm üzərində qələbənin 68-ci ildönümü münasibəti ilə Azərbaycanda fəaliyyət göstərən müxtəlf dinlərə məxsus icmaların rəhbərləri və üzvləri Sovet İttifaqı Qəhrəmanı Həzi Aslanovun abidəsini ziyarət etmişlər. O cümlədən Şəhidlər xiyabanı ziyarət edilmiş «Əbədi məşəl» kompleksinin önünə əklil qoyulmuşdur. Dini icmaların nümayəndələri Şəhidlər xiyabanında Qarabağ döyüşləri uğrunda canlarını fəda etmiş şəhidlərin məzarlarını ziyarət etmiş, məzarları önünə tər güllər qoymuşlar.